移民要賣樓？移民不賣樓？可能係部分港人掙扎嘅問題，如果決定賣樓離港，在出售物業過程又有什麼要留意？

 

美股、外匯、加密貨幣免費即時報價，自選投資組合獲取相關新聞提示

 

移民不一定要賣樓，留下物業亦可作為後路，或轉為收租。既然決定要賣樓作生活費，在出售過程中有三點要留意，不可造就買家可執平貨心態，要保不敗之身。

 

1.忌透露移民意向

 

無論買樓或賣樓，最忌「心急」，即使知道自己移民在即，亦切記過急，尤其不要同買家，甚至經紀表明自己要移民急放。有些業主傻到同經紀講明自己幾時要離開，當買家或經紀知道你有弱點時，自然大刀闊斧「鋤你價」。

 

忌過於天真，以為同人講明自己要移民，就是明志決心要賣，只求有誠意買家接手。以為這樣就展現到業主的最大誠意，最終就能找「真心」買家，可惜這樣做最終可能又係增加被「鋤價」機會。

 

最好的做法，是漁翁撒網式放盤（千祈唔好簽獨家放盤），買賣過程中唔好表露自己急放盤，更要擺出唔到價者唔使傾。

 

2.不要急於大幅降價

 

宜家樓市暢旺，樓價處上升週期，是賣家的天下，可留意同屋苑的新近成交價，除非你的單位有明顯缺陷，包括業權缺陷等，否則要貼市價放售，或多或少都會有準買家向你查詢。

 

不用刻意為急賣樓而大劈價，這樣或會招人懷疑自身單位有缺陷，準買家或經紀反而多個藉口要你減價

 

在樓市大旺時，如果心急賣樓，最多都係較市價放平1%至3%，自然有人會問津，到時才酌量議價。

 

3.留意成交期

 

由於出售物業需時，買家要睇樓，由簽署臨時買賣合約伙及俾細訂3%至5%，再到簽正式買賣合約，再俾大訂10%，前後都需要14天。而成交期一般需要一個至一個半月，期間準業主可入屋檢查兩次。所以，業主即使遇到買家，都要預留至少兩個月，以備有充足時間。

 

因此，除價錢外，最重要係成交期。傾好價時，留意雙方訂立的成交期，唔好計到咁盡，最好係移民前一個月到已經完成交易，以防有咩耽誤（例如買家撻訂），都有時間緩衝，如果買家堅持要特長成交期，唯有搵過另一個。